ЦАХИМ БҮРТГЭЛ

Монгол Улсын Цахим хөгжил, харилцаа холбооны яам Монгол Улсын урт хугацааны хөгжлийн бодлого ”Алсын хараа 2050”, Засгийн газрын 2020-2024 оны уйл ажиллагааны хөтөлбөр, Засгийн газрын 2018 оны 259 дүгээр тогтоолыг хэрэгжүүлэх ажлын хүрээнд төрийн үйлчилгээний нэгдсэн ”e-Mongolia” системийг нэвтрүүлэн 68 байгууллагын 777 үйлчилгээг гар утасны аппликейшн, веб портал болон операторын хэлбэрээр иргэн, аж ахуйн нэгжид үзүүлж байна. Төрийн үйлчилгээний хүртээмжийг нэмэгдүүлэх зорилгоор гадаад улсад суугаа Монгол Улсын иргэд и-Монголиа (e-Mongolia) платформд Лайм аппликейшний дугаараар бүртгүүлэн үйлчилгээ авах боломжийг бүрдүүлжээ.