Элчин сайд Д.Ганболд 2023 оны 2 дугаар сарын 2-ны өдөр Шри Ланка Улсын Ерөнхийлөгч Р.Вирминсингхе-д Итгэмжлэх жуух бичгээ барив

Монгол Улсаас Бүгд Найрамдах Ардчилсан Социалист Шри Ланка Улсад хавсран суух Онц бөгөөд Бүрэн эрхт Элчин сайд Д.Ганболд 2023 оны 2 дугаар сарын 2-ны өдөр тус улсын Ерөнхийлөгч Р.Вирминсингхе-д Итгэмжлэх жуух бичгээ барив.

Элчин сайд Д.Ганболд Монгол Улсын Ерөнхийлөгч У.Хүрэлсүхийн мэндчилгээг уламжилж, Бүгд Найрамдах Ардчилсан Социалист Шри Ланка Улс тунхагласны 75 жилийн ойг тохиолдуулан илгээсэн баярын захидлыг гардуулав. Мөн тэрбээр хоёр улсын харилцаа, хамтын ажиллагаа, тэр дундаа аялал жуулчлалын салбарын хамтын ажиллагааг хөгжүүлэх чиглэлээр хүчин чармайлт гарган ажиллахаа илэрхийлэв.

Ерөнхийлөгч Р.Викремесингхе хоёр улсын харилцаа, хамтын ажиллагааг эдийн засгийн агуулгаар баяжуулахын чухлыг онцлон тэмдэглээд Элчин сайд Д.Ганболдыг үүрэгт ажилдаа орсонтой нь холбогдуулан баяр хүргэж, ажлын өндөр амжилт хүсэв.